Đurđica Beštak

Commercial Photography

KRATKA BIOGRAFIJA:
Rođena i odrasla u Zagrebu, završila na Pedagoškoj akademiji u Zagrebu višu školsku spremu odgojitelja predškolske djece.
Udata, majka troje djece.

BIBLIOGRAFIJA:
Sejne

***
V MUJEMU KRAJU

Daleke, daleke,
gde zviezde najjasneše sijaju,
gde ptičeki najlepše pupievaju,
daleke,
v mujemu rodnumu kraju.

Tam kučice male stuiju,
mački na pucieki spokujne spiju,
dišeči cveteki f trave cveteju,
najlepše dieklice na svietu je bereju.

Veseli dečeci pu putieku skačeju,
mala se deca v zibačami plačeju.
Mamice je zibaju, putihe pupievaju:
“Spi, diete male, spi.
Gda se zbudil budeš,
pak buš cical ti”.

***
PUSTETE ME

Pustete nek sejnam,
pustete da spim!
V ljubavi i sreče
još same f sejnam živim.
Pustete!
Naj naduknadim
saj f živlenju
zgubleni san.
Pustete!
Znam da je dan.
Ne želim se zbuditi,
tu gde jesem biti.
Pustete me,
bar f sejnam utiti.
Pustete,
najte zbuditi!

***
REČI MI

Dej reči,
nekaj same,
rieč jenu,
kaj ju čuvaš za me.
Puviedaj mi
oču čujti,
naj čkumeti
tak douge,
mogla bi ti vujti.
Vuolela bi znati,
kaj nam nojsi vrieme,
jel pekel,
il’ raj?
Dej reči,
kakuf bu kraj?

***
STARI ŠTAGEL 1

Suhi, stari štagel
z teruga puspiemlene siene diši.
Vu parme puhabana, drvena luojtra,
na tere babica stuji.
Vatrene ju dedek gledi,
pud kiklu se nalukava.
Babica ga pu skrivečki
z luojtre pugledava.
Ide ona goere,
seniku bliže,
noegice diže.
Dišeča, biela kikla
polehke je se sim-tam niše.
Dedek se primekne k luojtre,
gledi ju udzdola.
Kej bi štel on,
nemre videt,
nek same na pola.
Suhi prlek je najempout
pud babicu poukel,
na dedeka opal,
pu glave ga stoukel.
F taj čas je i babica
najnega upala.
Mirne tak ležala,
kaj je mislil da je vmrla,
a ona je same
dedekuf nuos putrla.

***

BABIČIN OBLUK

Krej prašnuga pouta
hižica stuji,
čez ublouček mali
babica gledi.
Pu ciele je dane na ublouku,
k poutu pugledava,
na sousede se nalukava.
Se bi štela znati,
kaj šte f selu diela,
gda se Jana zbudila,
kaj je Ruoža ijela.
Predečera je soused kosu klepal,
čera ciel dan kosil travu,
denes v jutre doktaru utšepal,
uzliedil je nogu,
dek je ranil kravu.
Betežen leži,
f štale mu kravica beči,
a babica još navieke
čez obluk gledi.